کنگنا رناوت کملا ہیرس کی ٹرولنگ کرنیوالوں پر برس پڑیں
ممبئی(شوبزڈیسک )بالی ووڈ اداکارہ کنگنا نے رناوت امریکی صدارتی امیدوار بھارتی نژاد کملا ہیرس کی ٹرولنگ کرنے والوں کو آڑے ہاتھوں لے لیا۔
اداکارہ کنگنا رناوت نے سوشل میڈیا پر بیان میں امریکی صدارتی امیدوار کاملا ہیرس کا سوشل میڈیا پر مذاق اڑانے والوں کو تنقید کا نشانہ بناتے ہوئے کہا کہ جب سے جو بائیڈن نے کملا ہیرس کو امریکی صدارت کے لیے نامزد کیا ہے ان کے خلاف جنسی تعصب اور نفرت پر مبنی میمز کا طوفان آگیا ہے ۔ میں ڈیموکریٹس کی حمایت نہیں کرتی تاہم میرے لیے یہ حیران کن ہے کہ کس طرح ایک بزرگ خاتون سیاست دان کو جو کیلی فورنیا کی اٹارنی جنرل رہ چکی ہیں امریکی شہریوں کی جانب سے جنسی تعصب اور برے رویے کا سامنا کرنا پڑ رہا ہے ۔ یہ امریکی اپنے آپ کو بڑا ماڈرن سمجھتے ہیں لیکن سچ تو یہ ہے کہ یہ بھارتیوں سے بھی زیادہ دقیانوسی ہیں۔ ان سب کو شرم آنا چاہیے ۔
