اپنے شوہرکو ایسے ہی بہت پسند ہوں:کرینہ کپور
ممبئی(شوبزڈیسک)بالی ووڈ میں ’بیبو‘ کے نام سے مشہور معروف اداکارہ کرینہ کپور نے کہا ہے کہ اُنہیں بڑھتی عُمر کے باوجود بھی کسی قسم کے بوٹوکس یا بیوٹی سرجری کی ضرورت نہیں ہے۔
اپنے حالیہ انٹرویو میں انہوں کہا کہ میں اپنے بچوں اور شوہر کے ساتھ وقت معیاری وقت گزارتی ہوں، اُن کے لیے مختلف کھانے پکاتی ہوں، اکثر تو شوہر اور بچوں کے ساتھ ورک آؤٹ بھی کرتی ہوں کیونکہ مجھے ورک آؤٹ کرنا بہت پسند ہے ۔ میں نے اس عُمر میں بھی خود کو جسمانی اور ذہنی طور پر فِٹ رکھا ہوا ہے کیونکہ میں اپنا بہت زیادہ خیال رکھتی ہوں۔ ہر انسان کے لیے خوبصورتی بہت اہم ہوتی ہے اور خوبصورتی کا تعلق جوانی یا بڑھاپے سے نہیں ہے بلکہ انسان کو اپنی ہر عُمر کو انجوائے کرنا چاہیے کیونکہ انسان ہمیشہ جوان نظر نہیں آسکتا، وقت کے ساتھ عُمر ڈھلتی ہے۔ میری عُمر 44 سال ہے لیکن مجھے نہیں لگتا کہ مجھے اس بڑھتی عُمر میں بھی کسی قسم کے بوٹوکس یا کاسمیٹک سرجری کی ضرورت ہے کیونکہ میں اپنے شوہر کو ایسے ہی بہت پسند ہوں۔
