عاطف اسلم نے سعودیہ میں پرفارمنس پر خاموشی توڑ دی
لاہور(شوبزڈیسک ) گلوکار عاطف اسلم نے سعودی عرب میں اپنی پرفارمنس کے حوالے سے چلنے والی افواہوں پر خاموشی توڑتے ہوئے ان افواہوں کی تردید کی ہے ۔
جن میں کہا گیا کہ انہوں نے سعودی عرب میں مقدس مقامات کے قریب پرفارم کرنے سے انکار کیا ہے ۔عاطف اسلم نے اپنے بیان میں کہا، "یہ عجیب ہے کہ میرے نام سے وہ باتیں منسوب کی جاتی ہیں جو میں نے کبھی کہی ہی نہیں۔" انہوں نے میڈیا اور فنکار برادری پر زور دیا کہ وہ کسی بھی بیان کی سچائی کو جانچنے کے بعد ہی رپورٹ کریں۔ہم نے ماضی میں ریاض میں پرفارم کیا ہے ، جو ہمارے موقف کا بہترین ثبوت ہے ۔" ان کا یہ بیان سوشل میڈیا پر ایک جعلی بیان کے بعد آیا جس میں دعویٰ کیا گیا کہ عاطف کا دل مقدس مقامات کے قریب پرفارم کرنے کو قبول نہیں کرتا۔واضح رہے کہ سعودی عرب 2017 کے بعد سے عالمی فنکاروں کے کنسرٹس کا مرکز بن گیا ہے ۔
روزنامہ دنیا ایپ انسٹال کریں
