شاہ رُخ، سلمان اور عامر خان ایک ساتھ فلم کرنے کیلئے تیار
ممبئی(شوبزڈیسک)بالی ووڈ کے ‘مسٹر پرفیکشنسٹ’ عامر خان نے انکشاف کیا ہے کہ وہ سلمان خان اور شاہ رخ خان ایک ساتھ فلم میں کام کرنے کیلئے تیار ہیں، مگر اس کے لیے انہیں ایک موزوں سکرپٹ کا انتظار ہے۔
بھارتی میڈیا کی رپورٹ کے مطابق ریڈ سی فلم فیسٹیول میں عامر خان نے اپنی اس خواہش کا اظہار کیا کہ وہ شاہ رخ اور سلمان کے ساتھ مل کر کام کرنا چاہتے ہیں۔ انہوں نے بتایا کہ تقریباً 6 ماہ قبل تینوں خان اس موضوع پر گفتگو کر چکے ہیں اور اب سب کو ایک اچھے سکرپٹ کی تلاش ہے جوں ہی سکرپٹ ملی فوری کام شروع کردیں گے کیونکہ مداح بھی ان تینوں کو ایک ساتھ دیکھنے کی خواہش رکھتے ہیں۔ انہوں نے مزید کہا کہ اس تجویز کا آغاز انہوں نے خود کیا تھا اور ان کا ماننا ہے کہ اگر تینوں خان ایک ساتھ فلم نہ کر سکے تو یہ ایک افسوس کی بات ہوگی۔
روزنامہ دنیا ایپ انسٹال کریں
