لیجنڈری اداکار دلیپ کمار کا بنگلہ پُرتعیش اپارٹمنٹ میں تبدیل
ممبئی(شوبزڈیسک)بھارت کے لیجنڈری اداکار دلیپ کمار کے خاندا نی بنگلے کو دوبارہ تعمیر کرکے ‘‘دی لیجنڈ’’ کے نام سے ایک پرتعیش رہائشی پراجیکٹ میں تبدیل کیا جارہا ہے۔
اطلاعات کے مطابق دلیپ کمار کے بنگلے کو ممبئی کی ریئل اسٹیٹ فرم اشر گروپ کی جانب سے ‘دی لیجنڈ’ کے نام سے پُرتعیش رہائشی پراجیکٹ میں تبدیل کیا جارہا ہے ۔کمپنی کی طرف سے جاری کردہ بیان کے مطابق ‘پالی ہل، باندرہ پر ‘دی لیجنڈ از اشعر’ نے اپنے آغاز کے 15 ماہ کے اندر 500 کروڑ روپے کی فروخت کا سنگ میل حاصل کیا ہے۔ کمپنی 19 یونٹس میں سے ٹرپلیکسز سمیت 4 لگژری اپارٹمنٹس فروخت کرچکی ہے۔ پہلا اپارٹمنٹ انفرااسٹرکچر ڈیولپمنٹ کمپنی نے جولائی 2024 میں 155 کروڑ روپے میں خریدا تھا۔ کمپنی 19 لگژری اپارٹمنٹس تعمیر کرنے کا ارادہ رکھتی ہے، جس سے 850 کروڑ روپے کی کل آمدنی ہوگی۔ اس پراجیکٹ میں 6 اور 5 بی ایچ کے لگژری اپارٹمنٹس اور ڈوپلیکس یونٹس اور دلیپ کمار کے لیے وقف 2 ہزار مربع فٹ کا میوزیم شامل ہیں۔
