عالمی شہرت یافتہ بھارتی طبلہ نواز ذاکر حسین انتقال کرگئے
لاہور(مانیٹرنگ ڈیسک) معروف بھارتی طبلہ نواز ذاکر حسین امریکا کے شہر سان فرانسسکو کے ہسپتال میں انتقال کرگئے ۔
انکو دل کا عارضہ لاحق تھا ،لیجنڈ طبلہ نواز نے 73 برس عمر پائی، وہ لیجنڈ طبلہ نواز استاد اللہ رکھا کے بیٹے تھے ۔وہ بھارت کے مشہور کلاسیکی موسیقاروں میں سے ایک تھے جنہوں نے بین الاقوامی سطح پر بھی اپنے فن کا مظاہرہ کیا۔بھارتی حکومت نے استاد ذاکر حسین کی فن کیلئے خدمات کے اعتراف پر 1988 میں پدما شری، 2002 میں پدما بھوشن اور 2023 میں بھارت کے دوسرے بڑے سول اعزاز پدما وی بھوشن سے نوازا۔اس کے علاوہ انہوں نے کئی عالمی ایوارڈز بھی حاصل کیے جن میں 5 گریمی ایوارڈز بھی شامل ہیں اور ان میں سے 3 گریمی ایوارڈز رواں سال انہیں دئیے گئے ۔
روزنامہ دنیا ایپ انسٹال کریں
