’’عالیہ بھٹ دوسری بیوی ہے ‘‘، رنبیر کپور کا دلچسپ انکشاف
ممبئی (شوبزڈیسک )بالی ووڈ انڈسٹری کے سپر سٹار، اداکار رنبیر کپور نے دلچسپ انکشاف کیا ہے کہ اداکارہ عالیہ بھٹ ان کی پہلی بیوی نہیں دوسری بیوی ہے ۔۔
ایک انٹرویو میں رنبیر کپور نے اپنی زندگی کے مزاحیہ اور دلچسپ واقعے کا ذکر کرتے ہوئے انکشاف کیا ہے کہ میری ایک مداح سمجھتی ہے کہ وہ مجھ سے شادی کر چکی ہے اور وہ میری بیوی ہے ۔ عالیہ بھٹ سے قبل میری ایک اور ‘پہلی بیوی’ بھی ہے جس سے مجھے ابھی تک ملنے کا موقع نہیں مل سکا ہے ۔انہوں نے اپنے کیریئر کے ابتدائی دنوں کے واقعے کو یاد کرتے ہوئے مزید کہا کہ ایک خاتون مداح نے میرے بنگلے کے گیٹ کے سامنے مجھ سے شادی کی تھی، مداح نے اس بنگلے کے سامنے شادی کی تھی جہاں میں پہلے اپنے والدین، آنجہانی اداکار رشی کپور اور اداکارہ نیتو کپور کے ساتھ رہتا تھا۔ میری اس خاتون سے کبھی ملاقات نہیں ہوئی ہے لیکن میرے چوکیدار نے مجھے بتایا تھا کہ وہ خاتون مداح ایک پنڈت کے ہمراہ آئی تھی اور میرے گھر کے دروازے پر اس نے مجھ سے شادی کی تھی۔انہوں نے مزاحیہ انداز میں کہا کہ میں اس وقت شہر سے باہر تھا اس لیے میں ابھی تک اپنی پہلی اہلیہ سے ملاقات نہیں کر سکا۔
