لندن فلیٹس:شریف خاندان کیخلاف نیب کو مصدقہ ثبوت مل گئے
برطانوی حکومت سے بھاری معاوضے کے بعد دستاویزات حاصل کی گئیں :ذرائع
اسلام آباد (خصوصی نیوز رپورٹر)نیب نے شریف خاندان کی بیرون ملک جائیداد کے بارے میں مصدقہ ثبوت حاصل کر لئے ۔ذرائع کے مطابق یہ ثبوت لندن فلیٹس سے متعلق ہیں جس کی تصدیق شدہ کاپیا ں نیب کو موصول ہوگئی ہیں ، یہ دستاویزات برطانیہ کے کمپنیز ڈیپارٹمنٹ سے بھاری معاوضے کے عوض حاصل کی گئیں ، جس میں جائیداد کی ملکیت ،انکم ٹیکس کی ادائیگی اور شریف خاندان کے نام پر جاری پانی کے بلوں کی کاپیاں شامل ہیں ۔ ذرائع کے مطابق شریف خاندان کی طرف سے جائیداد کی معلومات خفیہ رکھنے پربرطانوی ہوم ڈیپارٹمنٹ سے رابطہ کیا گیا تھا، ریکارڈ کے حصول کے لئے ڈی جی آپریشنز نیب بھی لندن میں موجود رہے ،برطانوی حکومت کی طرف سے ملنے والا ریکارڈ احتساب عدالت میں پیش کیا جائے گا۔ مصدقہ ثبوت
روزنامہ دنیا ایپ انسٹال کریں
