پنجاب اسمبلی نے قیدیوں کی فوری پے رول پر رہائی کا بل منظور کر لیا

پنجاب اسمبلی نے قیدیوں کی فوری پے رول پر رہائی کا بل منظور کر لیا

قیدکے دوران بہتر رویہ رکھنے والے معمولی جرائم میں ملوث ملزمان کو سہولت ملے گی بورڈ آف گورنرز کا قیام عمل میں لایا جائے گا، سربراہ کی تعیناتی وزیر اعلٰی پنجاب کرینگے

لاہور (اخلاق باجوہ سے )پنجاب اسمبلی نے قیدیوں کی فوری پے رول پر رہائی کا بل منظور کر لیا۔ بل قانون بننے کے بعد قیدیوں کو فوری پے رول کی سہولت میسر ہو سکے گی۔ پے رول پر رہائی قیدکے دوران بہتر رویہ رکھنے والے قیدیوں کو دی جائے گی۔ پے رول پر رہائی کے لیے بورڈ آف گورنرز کا قیام عمل میں لایا جائے گا۔بورڈ کا سربراہ ڈائریکٹر جنرل ہوگا جس کی تعیناتی وزیر اعلٰی پنجاب کرینگے ۔ بورڈ آف گورنرز پے رول پر رہائی دینے یا نہ دینے کا مجاز ہو گا۔ بل کے تحت پے رول پر رہائی معمولی جرائم میں ملوث افراد کو دی جا سکے گی۔ 30 دن کے اندر بورڈ پے رول پر رہائی دینے یا نہ دینے کا فیصلہ کرے گا۔پے رول پر رہائی سزائے موت، منشیات اور سنگین جرائم میں ملوث مجرموں کو نہیں دی جائے گی۔بل کے تحت بورڈ آف گورنرز جیل میں قید مجرم کے رویے کو مدنظر رکھیں گے ۔بورڈ آف گورنرز کو پے رول پر رہائی ختم کرنے کا بھی اختیار ہوگا۔

روزنامہ دنیا ایپ انسٹال کریں