حکومت پنجاب حقائق کو بری طرح مسخ کررہی:ہیلتھ الائنس
ایک روز میں صرف 15سو ٹیسٹ،اموات کی تعداد سامنے نہیں لائی جارہی وینٹی لیٹرز پر جانیوالے مریضوں میں شرح اموات 98 فیصد تک ہے :ڈاکٹر سلمان
لاہور (ہیلتھ رپورٹر)گرینڈ ہیلتھ الائنس کے چیئرمین ڈاکٹر سلمان حسیب کا کہنا ہے کہ حکومت پنجاب حقائق کو بری طرح مسخ کر رہی ہے ۔ ایک روز میں پنجاب میں صرف پندرہ سو ٹیسٹ کیے گئے ۔ اپنے بیان میں انہوں نے کہا اموات کی تعداد کو میڈیا کے سامنے نہیں لایا جارہا ۔ حکومت کے انتظامات انتہائی ناکافی ہیں۔ وینٹی لیٹرز کی شدید کمی اور آئی سی یو ٹرینڈ سٹاف ہسپتالوں میں موجود ہی نہیں۔ آئی سی یوز میں وینٹی لیٹرز پر جانے والے مریضوں میں شرح اموات 98 فی صد فیصد کے قریب ہے ۔ حکومت گزشتہ پانچ ماہ میں ورلڈ ہیلتھ آرگنائزیشن کی بار بار یاد دہانی کے باوجود وینٹی لیٹرز مہیا نہیں کر سکی۔مئی اور جون کے مہینے میں حکومتی نااہلی کی سزا پنجاب کے عوام اپنی جانوں کا نذرانہ دے کر ادا کریں گے ۔ ہسپتالوں میں ہیلتھ پروفیشنلز کو حفاظتی سامان دینے کا پائیدار طریقہ وضع نہیں کیا جا سکا۔
