زرداری سے جنوبی پنجاب کے26 رہنماؤں کی ملاقات،پیپلز پارٹی میں شمولیت کا اعلان
لاہور ،ملتان(اے پی پی،خبرنگار) سابق صدر آصف علی زرداری سے بلاول ہاؤس لاہور میں جنوبی پنجاب کے مختلف اضلاع سے تعلق رکھنے والے 26 رہنماؤں نے ملاقات کی اور پیپلز پارٹی میں شمولیت کا اعلان کیا۔اس موقع پرآصف زرداری نے نئے شامل ہونے والوں کو خوش آمدید کہا ، پارٹی کا مفلر پہنایا اور نیک خواہشات کا اظہار کیا ۔
ملاقات کے موقع پر یوسف رضا گیلانی ،نیئر بخاری ،مخدوم احمد محمود اورحسن مرتضیٰ بھی موجود تھے ۔پیپلز پارٹی میں شامل ہونیوالوں میں قطب فرید کوریجہ،رئیس اکمل وارن،سردار شمشیر مزاری،سید قاسم علی شمسی،فریحہ بتول،عبد العزیز کلانک،رسول بخش جتوئی،پیر جعفر مزمل شاہ،سردار اللہ وسایا چنو لغاری،علمدار عباس قریشی،ملک عبد الغفار آرائیں،مسز عطا قریشی،یاسر عطا قریشی، سید جمیل شاہ،سید رشید شاہ،شیخ دلشاد احمد،سید بلال مصطفی،سید تحسین نواز گردیزی،میاں علی حیدر وٹو،میاں سلمان ایوب موھل ، میاں امیر حیدر وٹو،ایاز خان،امجد خان نیازی،مزمل خان نیازی اورعمر مسعود فاروقی شامل ہیں۔بعدازاں شریک چیئرمین پیپلزپارٹی آصف علی زرداری نے مسلم لیگ ق کے سربراہ چودھری شجاعت حسین سے بھی ملاقات کی ،ملاقات میں ملکی سیاسی اور مجموعی صورتحال پر تبادلہ خیال کیا گیا۔
