نگران وفاقی وزرا کو پانچ ماہ میں 8کروڑ 88لاکھ تنخواہ، الاؤنسز ادائیگی
اسلام آباد (نیوز رپورٹر) نگران وفاقی وزرا نے پانچ ماہ میں 8 کروڑ 88 لاکھ روپے تنخواہوں اور الاؤنسز وصول کیے ، ایک کروڑ 80 لاکھ روپے بنیادی تنخواہ۔۔۔
ہاؤس رینٹ الاؤنس 30لاکھ ، بیرون ممالک دوروں کا ٹریولنگ الاؤنس چار کروڑ اور ڈیلی الاؤنس 55لاکھ ، ٹریولنگ الاؤنس ایک کروڑپچاس لاکھ ، یوٹیلٹی و دیگر الاؤنسز کی مد میں 15لاکھ روپے شامل ہیں۔ سابق 33وفاقی وزرا، وزرائے مملکت نے حکومت ختم ہونے سے رواں مالی سال 2023-24 کے ڈیڑھ ماہ میں ایک کروڑ 49لاکھ روپے تنخواہوں اور الاؤنسز کی مد میں وصول کیے ، ان وزراء نے اگست تک 33لاکھ 20ہزار روپے بنیادی تنخواہ، سرکاری دوروں کے ٹریولنگ الاؤنس کی مد میں 56لاکھ 58ہزار روپے ، بیرون ملک دوروں پر ڈیلی الاؤنس 8لاکھ 35ہزار روپے ، ماہانہ ٹریولنگ الاؤنس 21لاکھ 59ہزار ، ہاؤس رینٹ 11لاکھ ، کنٹریکٹ سٹاف کی تنخواہیں 6لاکھ ، میڈیکل چارجز چار لاکھ26ہزار اور یوٹیلٹی الاؤنس کی مد میں تین لاکھ 74ہزار روپے وصول کیے تھے ۔