ڈی آئی خان:شرپسندوں نے مسافروں کو اتارکر بس جلا دی
ڈی آئی خان (آئی این پی )ڈیرہ اسمعیل خان کی تحصیل درابن کے قریب شر پسندوں نے مسافروں کو زبردستی اتارکر بس کو آگ لگادی۔
مسافر بس پر شر پسند عناصر کی جانب سے حملہ کیا گیا جو درازندہ سے ڈی آئی خان جا رہی تھی۔ پولیس نے بتایا شرپسندوں کی جانب سے تمام مسافروں کو زبردستی نیچے اتارا گیا اور بس ڈرائیور کو بدترین تشدد کا نشانہ بنایا گیا۔ مسافر اترنے کے بعد بس کو آگ لگائی گئی جو مکمل جل گئی۔ اطلاع ملتے ہی پولیس موقع پر پہنچ گئی لیکن شرپسند عناصر فرار ہوگئے ۔
روزنامہ دنیا ایپ انسٹال کریں
