آئی ایم ایف شرط پرعملدرآمد بجلی صارفین سے 2116 ارب کیپسٹی چارجز لینے کا فیصلہ
اسلام آباد (دنیا نیوز) آئی ایم ایف کو منانے کیلئے حکومت نے شرائط پر پیشگی عملدرآمد شروع کردیا، آئندہ مالی سال میں بجلی کے صارفین سے 2116 ارب روپے کیپسٹی چارجز لینے کا فیصلہ کرلیا گیا۔
بجلی کے یونٹ کی بنیادی قیمت 27 روپے 66 پیسے فی یونٹ اور کیپسٹی چارجز 17 روپے 66 پیسے فی یونٹ مقرر کردیئے گئے ، آئندہ مالی سال میں بجلی کے صارفین سے مجموعی طور پر 3277 ارب روپے وصول کئے جائیں گے ۔ذرائع کا کہنا ہے کہ آئی ایم ایف کی شرط پر بجلی کی قیمت کی مد میں 1116 ارب روپے اور کیپسٹی چارجز کی مد میں 2116 ارب روپے وصول کئے جائیں گے ، نیپرا نے آئندہ مالی سال میں صارفین کو بجلی کی فروخت سے متعلق فیصلہ جاری کردیا، فیصلے کا اطلاق ملک بھر کے تمام صارفین پر ہوگا۔
روزنامہ دنیا ایپ انسٹال کریں
