مخصوص نشستوں کے کیس پرمشاورت،آج فیصلے کاامکان
اسلام آباد(دنیا نیوز)سنی اتحاد کونسل کو مخصوص نشستیں ملیں گی یا نہیں؟ محفوظ فیصلہ آج سنائے جانے کا امکان ہے ۔
سنی اتحاد کونسل کی مخصوص نشستوں سے متعلق کیس بارے چیف جسٹس قاضی فائز عیسیٰ کی زیر صدارت مشاورتی اجلاس ہواجو تقریباً ڈیڑھ گھنٹہ جاری رہا، اجلاس میں 13 رکنی فل کورٹ میں شامل تمام ججز شریک ہوئے ،ججز کے اجلاس میں مخصوص نشستوں سے متعلق کیس کے فیصلے سے متعلق غور کیا گیا، خیال رہے ایک روز قبل سپریم کورٹ نے مخصوص نشستوں سے متعلق کیس کی سماعت مکمل ہونے پر فیصلہ محفوظ کیا تھا اور چیف جسٹس نے کہا تھا کہ فیصلہ کب سنایا جائے گا ابھی کچھ نہیں کہہ سکتے ، فیصلہ سنانے سے متعلق آپس میں مشاورت کریں گے ۔
روزنامہ دنیا ایپ انسٹال کریں
