غیراخلاقی مواد، ٹک ٹاک پر 1لاکھ 13 ہزار اکاؤنٹس بلاک
اسلام آباد(آئی این پی)پی ٹی اے نے پشاور ہائیکورٹ میں ٹک ٹاک اور دیگر سوشل میڈیا اکائونٹس پر فحش اور توہین مذہب مواد اپ لوڈ کرنے سے متعلق رپورٹ جمع کروادی جسکے مطابق 2020 سے اب تک 1 لاکھ 14 ہزار 15 غیراخلاقی ویڈیوز ٹک ٹاک پر اپ لوڈ کی گئیں جس پر ایک لاکھ 13 ہزار 133 اکائونٹس بلاک کئے گئے ۔
مذہب کیخلاف 2 ہزار 463 پوسٹس اپ لوڈ ہوئیں جنہیں بلاک کیا گیا۔ رواں سال 25 ہزار 267 غیراخلاقی مواد اپ لوڈ کیا گیا جس پر 24 ہزار 800 اکائونٹس کو بلاک کیا گیا۔فیس بک، انسٹاگرام، یوٹیوب، ایکس(ٹیوٹر)اور دیگر سوشل میڈیا اکائونٹس پر 13 لاکھ 89 ہزار 181 غیر اخلاقی مواد اپ لوڈ ہوا جس میں سے 13 لاکھ 3 ہزار 578 لنکس بلاک کئے گئے ۔فیس بک کے 1 لاکھ 47 ہزار 579، انسٹاگرام پر 22 ہزار 357، سنیک ویڈیو پر 6 ہزار 728 268، ٹک ٹاک کے 1 لاکھ 25 ہزار 600، یوٹیوب کے 53 ہزار 162اورایکس پر 53 ہزار 842 لنکس بلاک کے گئے ۔
