چور3موٹرسائیکل ،2کاریں ، ڈاکولاکھوں لوٹ کرلے گئے
لاہور(کرائم رپورٹر)لاہور شہر میں چوری و ڈکیتی کی متعدد وارداتوں میں شہریوں کو لاکھوں روپے ،طلائی زیورات ،موبائل فونز،3 موٹرسائیکلوں اور2 کاروں سمیت دیگر قیمتی سامان سے محروم کردیاگیا۔
بتایاگیاہے کہ ڈاکوؤں نے ڈیفنس میں عاطف سے 1لاکھ 70ہزار روپے اور موبائل فون،نواب ٹاؤن میں افضال سے 1لاکھ 65 ہزار روپے اور موبائل فون،گڑھی شاہو میں الطاف سے 1 لاکھ 50ہزار روپے موبائل فون اور دیگر سامان،فیصل ٹاؤن میں کمال حیدر سے 1 لاکھ 40 ہزار روپے اور موبائل فون،وحدت کالونی میں ذوالفقار سے 1 لاکھ 25 ہزار نقدی اور موبائل فون اورکاہنہ میں واصف سے 1 لاکھ 20ہزار روپے ، موبائل فون اور دیگر سامان لوٹ لیا ۔چورغازی آباد اور مسلم ٹاؤن سے کاریں جبکہ شفیق آباد، شادباغ اور غالب مارکیٹ سے موٹرسائیکلیں چوری کرکے لے گئے ۔
روزنامہ دنیا ایپ انسٹال کریں
