پارٹی رہنمائوں سے ملاقاتیں
کراچی (سٹاف رپورٹر) چیئرمین پیپلزپارٹی بلاول بھٹو زرداری سے اراکین پارلیمنٹ شازیہ مری، نوید قمر، وزیر بلدیات سعید غنی ، میئر کراچی مرتضیٰ وہاب۔۔۔
طارق شاہ جاموٹ، بیرسٹر ضمیر گھمرو،پی پی پی بلوچستان کے سابق میڈیا کوآرڈی نیٹر حیات اچکزئی ، رکن سندھ اسمبلی امداد پتافی ،رکن قومی اسمبلی میر شبیر بجارانی اور پی پی بلوچستان کے سینئر رہنما اقبال شاہ نے بلاول ہاؤس میں ملاقات کی۔ اس موقع پر وفاقی حکومت سے ہونے والے مذاکرات سے متعلق بات چیت ،بلوچستان کی سیاسی صورت حال اور دیگر امور پرتبادلہ خیال کیا گیا۔وزیر بلدیات سعید غنی نے ملاقات میں شہید ذوالفقار علی بھٹو ایکسپریس وے المعروف ملیر ایکسپریس وے سمیت کراچی میں جاری بڑے ترقیاتی منصوبوں سے متعلق بریفنگ دی۔ میئر کراچی مرتضیٰ وہاب نے ملاقات میں شہریوں کی فلاح و بہبود سے متعلق کراچی میٹروپولیٹن کارپوریشن کے اقدامات سے آگاہ کیا۔ امداد پتافی نے ٹنڈوالہ یار کے عوام اور ان کے مسائل کے حل کے حوالے سے بات چیت کی۔
