سندھ ہائیکورٹ : 12ایڈیشنل ججز کی تعیناتی کیلئے 46 نام ارسال
اسلام آ باد (مانیٹرنگ ڈیسک) جوڈیشل کمیشن کو سندھ ہائی کورٹ میں 12 ایڈیشنل ججوں کی تعیناتی کے لیے 46 نام بھیج دئیے گئے ، جن پر اجلاس میں غور ہوگا۔
سیکرٹری جوڈیشل کمیشن نے ججوں کی تعیناتی کے لیے نام بھجوائے ۔ ٹی وی کے مطابق سندھ ہائی کورٹ میں ایڈیشنل ججوں کی تعیناتی کے لیے بھیجے گئے 46 ناموں میں سے 6 ڈسٹرکٹ اینڈ سیشن ججوں اور دیگر 40 وکلا کے نام شامل ہیں۔ڈسٹرکٹ اینڈ سیشن ججوں میں سریش کمار، خالد حسین شاہانی، مشتاق احمد لغاری، تسنیم سلطانہ، منور سلطانہ اور امیر علی مہیسر کے نام شامل ہیں۔ جوڈیشل کمیشن کو بھیجے گئے 40 وکلا کے ناموں میں علی حیدر ادا، نثار احمد بھمبرو، ریاضت علی ساحر، میراں محمد شاہ، راجا جواد علی سحر، عبید الرحمن خان، رفیق احمد کلوڑ، عمائمہ انور خان، محمد عثمان علی ہادی، محمد عمر لاکھانی، منصور علی گھنگرو، محمد ذیشان عبداللہ، محمد جعفر رضا ، ذوالفقار علی سولنگی، حق نواز تالپور، عبد الحامد بھرگڑی، ڈاکٹر سید فیاض الحسن شاہ، محسن قادر شاہوانی، قاضی محمد بشیر، سندیپ ملانی، محمد حسن اکبر، سید احمد شاہ، امداد علی اونر، چودھری عاطف رفیق، محمد جمشید ملک اور عرفان میر ہالپوتا شامل ہیں۔سندھ ہائی کورٹ میں تعیناتی کے لیے بھیجے گئے وکلا کے دیگر ناموں میں جان علی جونیجو، ولی محمد کھوسو، فیاض احمد سمور، الطاف حسین، غلام محی الدین، راشد مصطفی، ارشد زاہد علوی، سید طارق احمد شاہ، صغیر احمد عباسی، وزیر حسین کھوسو، پرکاش کمار، محمد ذیشان، ریحان عزیزاور شازیہ ہنجرا شامل ہیں۔سندھ ہائی میں ججوں کی خالی اسامیوں کے لیے جوڈیشل کمیشن کا اجلاس 23 جنوری کو ہوگا ۔ اجلاس میں مذکورہ ناموں پر غور کیا جائے گا۔
