لاہور بار کا کل الیکشن، 11نشستوں پر 35امیدوار مدمقابل
لاہور (کورٹ رپورٹر)لاہور بار ایسوسی ایشن کے سالانہ انتخابات کل 11جنوری کو ہوں گے ،14ہزار712رجسٹرڈ ووٹرز بائیو میٹرک سسٹم کے تحت ووٹ کاسٹ کریں گے ۔ 11 نشستوں پر 35 امیدوار مدمقابل ہوں گے صدر کی نشست پر چار امیدوار مدمقابل ہوں گے ۔
صدر کی نشست پر عاصمہ جہانگیر گروپ کے سربراہ احسن بھون کے نامزدہ کردہ میاں فیض علی ، حامد خان گروپ کے مبشر رحمن ،عرفان حیات باجوہ اور ادیب اسلم بھنڈر مدمقابل ہوں گے ۔ نائب صدر لاہور بار کی سیٹ پر 6 امیدوار وں ساجد حسین بلوچ ، ملک افضل بشیر ، ملک سیف کھوکھر ، میاں شرجیل ،میاں طاہر منیر اور ہمایوں ظہیر بھٹی میں مقابلہ ہو گا، نائب صدر ماڈل ٹاؤن کچہری سیٹ پر تین امیدوار آصف کنول خان ، اسلم بھلر اور وقاص کاہلوں مدمقابل ہوں گے ۔نائب صدر کینٹ کچہری سیٹ پر تین امیدوار افلاطون جھکڑ ، زاہد محمود گل اور عابد لطیف کھوکھر مدمقابل ہوں گے ۔ سیکرٹری لاہور بار کی سیٹ پر 6 امیدوار جنید حیدر انصاری ، شعیب اشرف ، شرجیل کھوکھر ، فہد نثار ، نصیر بھلہ اور وقار خان مدمقابل ہوں گے ۔جوائنٹ سیکرٹری کی سیٹ پر تین امیدواروں ثمینہ بسرا ، شجاعت علی ، اور شکیل اسحاق میں مقابلہ ہو گا ۔فنانس سیکرٹری کی نشست پر تین امیدوار اعجاز گجر ، زوہیب خان اور ملک ندیم مدمقابل ہوں گے ۔لائبریری سیکرٹری کی نشست پر چار امیدوار ارشد چدھڑ ، ایم فریاد چودھری ، ثمینہ کھوکھر اور عدنان امجد مدمقابل ہوں گے ۔آڈیٹر کی نشست پر پروفیسر عتیق احمد خان اور راحیلہ حفیظ رانا کا ون ٹو ون مقابلہ ہو گا ۔ضابطہ اخلاق کی خلاف ورزی پر تمام امیدواروں کو لاکھوں روپے کے جرمانے کیے گئے پولنگ کا عمل صبح نو بجے سے شام پانچ بجے تک جاری رہے گا ،ووٹر وکلا بائیو میٹرک طریقے سے ووٹ کاسٹ کریں گے ۔
