گنڈاپور سے 600 ارب کا حساب لیا جائے گا، گورنر پختونخوا
پشاور (مانیٹرنگ ڈیسک)گورنر خیبر پختونخوا فیصل کریم کنڈی نے کہا ہے کہ وزیر اعلیٰ ، علی امین گنڈاپور سے 600 ارب روپے کا حساب لیا جائے گا۔
مردان میں گورنر خیبر پختونخوا فیصل کریم کنڈی نے تقریب سے خطاب کرتے ہوئے کہا کہ 11 سال سے ایک پارٹیصوبے پر مسلط ہے ۔ پی ٹی آئی کو ایک صوبے میں انتخابات درست اور باقی میں دھاندلی نظر آتی ہے ۔انہوں نے کہا کہ پی ٹی آئی اپنی ہی صوبائی حکومت کے خلاف احتجاج کر رہی ہے ۔ لیکن بانی پی ٹی آئی کو سزا ہوئی تو پارٹی نے کہیں بھی احتجاج نہیں کیا۔ پی ٹی آئی قیادت کو لیڈر کی فکر نہیں بلکہ عہدوں کے لیے آپس میں لڑ رہے ہیں۔انہوں نے کہا کہ خیبر پختونخوا اسمبلی نے ہزاروں نوکریاں ختم کرنے کا بل پاس کیا۔ اور صوبائی حکومت عوام کو روزگار دینے کے بجائے چھین رہی ہے ،صوبے کو دہشتگردوں کے حوالے کر دیا۔ضم اضلاع کے 600 ارب صوبائی حکومت ہڑپ کر گئی ۔
