بارودی مواد کیس :سپریم کورٹ نے معذور شخص کی 14سال سزا کالعدم قرار دیدی
اسلام آباد (مانیٹرنگ ڈیسک)سپریم کورٹ نے 14سال قید کے مجرم شاہ حسین کی سزا کالعدم قرار دیدی ،جسٹس اطہر من اللہ کی سربراہی میں سپریم کورٹ کے 3 رکنی بینچ نے سماعت کی۔
پشاور ہائیکورٹ کے فیصلے کے خلاف اپیل سپریم کورٹ میں دائر کی گئی تھی۔دوران سماعت مجرم کے وکیل ارشد یوسفزئی نے کہا کہ پولیس بارودی مواد کا بیگ تفتیش میں کہیں بھی ثابت نہیں کرسکی، ایک ٹانگ سے معذور شخص کا قصور اتنا تھا کہ اس نے لفٹ لی ، جسٹس عرفان سعادت نے کہا کہ جو موٹر سائیکل چلا رہا تھا اسے تو چھوڑ دیا گیا، جو معذور ہے اسے سزا دے دی گئی ہے ، واضح رہے کہ شاہ حسین پر بارودی مواد کا بیگ لے جانے کا الزام تھا، اے ٹی سی نے بارودی مواد برآمد ہونے پر 14 سال کی سزا سنائی تھی۔
روزنامہ دنیا ایپ انسٹال کریں
