پی ٹی آئی کا شہدائے جعفر ایکسپریس سے اظہار یکجہتی کیلئے کل ریلی نکالنے کا اعلان
لاہور(سیاسی نمائندہ)تحریک انصاف نے پاک فوج کے جوانوں اور شہدائے جعفر ایکسپریس سے اظہار یکجہتی کیلئے ریلی نکالنے کا اعلان کردیا۔
نائب صدر پی ٹی آئی پنجاب اکمل خان باری نے اپنے ویڈیو پیغام میں کہا کہ جعفر ایکسپریس پر حملہ ظلم کی انتہا ہے جس کی بھرپور مذمت کرتے ہیں، یہ پاکستان پر حملہ ہے جسے ہم کبھی نہیں بھولیں گے ۔اکمل خان باری نے کہا کہ شہداء جعفر ایکسپریس سے اظہار یکجہتی کیلئے 18مارچ منگل جی پی او چوک سے پنجاب اسمبلی تک پرامن ریلی نکالیں گے ۔انہوں نے کہا کہ پنجاب حکومت سے درخواست ہے کوئی خلل نہ ڈالے ، یہ شہداء سے اظہار یکجہتی کی ریلی ہوگی ،ریلی میں پی ٹی آئی کارکن، وکلا، سول سوسائٹی کے لوگ بھرپور شرکت کریں گے ۔
روزنامہ دنیا ایپ انسٹال کریں
