اعجاز چودھری کے پروڈکشن آرڈر ، آئی جی کیخلاف تحریکِ استحقاق پر غور
اسلام آباد(مانیٹرنگ ڈیسک)سینیٹر تاج حیدر کی زیرِ صدارت سینیٹ کی قائمہ کمیٹی استحقاق کا اجلاس ہوا۔سینیٹر فیصل سلیم نے کہا ہے کہ سینیٹر اعجاز چودھری کے 3 بار پروڈکشن آرڈر جاری ہوئے ، پروڈکشن آرڈر پر عمل درآمد نہیں کریں گے تو ہم بھی احکامات دیں گے۔
آئی جی جیل بھی اس وقت تک معطل رہیں جب تک وہ پروڈکشن آرڈرپر عمل نہیں کرتے ۔آئی جی پنجاب، آئی جی جیل خانہ جات پنجاب اور جیل سپرنٹنڈنٹ کوٹ لکھپت پیش ہوئے ۔اجلاس کے دوران اعجاز چودھری کے پروڈکشن آرڈر پر عمل درآمد نہ کرنے کا معاملہ اٹھایا گیا۔آئی جی پنجاب اور آئی جی جیل کے خلاف تحریکِ استحقاق پر غور کیا گیا۔اجلاس کے دوران سینیٹر سعدیہ عباسی نے کہا کہ چیئرمین سینیٹ کے آرڈر پر عمل نہ کرنا ایک سنجیدہ استحقاق ہے ۔سعدیہ عباسی نے یہ بھی کہا کہ اگر آج نہیں ہو سکتا تو اعجاز چودھری کو پیر کو کمیٹی میں پیش کیا جائے ۔
