بھارتی ہائی کمیشن کے باہر احتجاج،رکاوٹیں توڑ دیں
اسلام آباد(دنیا نیوز ، نیوز ایجنسیاں ) پہلگام وا قعہ کے بعد بھارت کی جانب سے کی جانے والی آبی جارحیت کے خلاف بھارتی ہائی کمیشن کے باہر سول سوسائٹی کے نمائندوں نے احتجاج کیا ہے ۔
احتجاجی مظاہرے میں شرکا کی بڑی تعداد شریک ہوئی جس نے بھارتی اقدامات کیخلاف نعرے بازی کی اور بعض مظاہرین رکاوٹیں توڑ کر مین گیٹ سے اندر داخل ہو گئے ۔مظاہرین کا کہنا تھا کہ بھارت نے الزام لگا پاکستان پر جنگ مسلط کرنے کی کوشش کی، پاکستان میں انڈین دہشتگردی کا ثبوت کلبھوشن کی صور ت میں موجود ہے ۔شرکا نے کہا کہ انڈیا کسی غلط فہمی میں نہ رہے ہم منہ توڑ جواب دیں گے ، تم اگر پانی بند کرو گے تو ہم تمہاری سانسیں بند کریں گے ، پھر ان دریائو ں میں خون بہے گا ۔
روزنامہ دنیا ایپ انسٹال کریں
