بنیان المرصوص میں کامیابی امن کی جیت ، ڈی جی آئی ایس پی آر
راولپنڈی(خصوصی نیوز رپورٹر)ڈی جی آئی ایس پی آر لیفٹیننٹ جنرل احمد شریف نے کہاہے کہ بنیان المرصوص میں کامیابی امن کی جیت ہے ،پاکستان نے ہمیشہ امن کو جنگ پر فوقیت دی ہے ۔
ان خیالات کااظہار انہوں نے گزشتہ روزسیلانی آئی ٹی پروگرام کراچی میں طلباء کے ساتھ خصوصی نشست کے دوران گفتگو کرتے ہوئے کیا ۔طلباء کی جانب سے ڈی جی آئی ایس پی آر کا پُرجوش استقبال کیا گیا،طلباء نے ڈی جی آئی ایس پی آر سے پاکستان کی اندرونی و بیرونی سکیورٹی صورتحال سمیت مختلف موضوعات پر سوالات کیے ،ڈی جی آئی ایس پی آر نے کہا کہ آپ لوگوں نے معلومات کی جنگ میں پاکستان کے ہراول دستے کا کردار ادا کیا ہے ، ڈی جی آئی ایس پی آر نے کہا کہ پاکستان کی افواج منظم اور پیشہ ور ہیں، جو آئین کے تحت اور ریاستی احکامات کے مطابق اپنے فرائض بخوبی سرانجام دے رہی ہیں، انہوں نے کہا کہ پاکستان خطے میں نیٹ ریجنل اسٹیبلائزر کا کردار ادا کرتا رہے گا، اس موقع پر طلبا کا کہنا تھا کہ اپنے وطن کی حفاظت کے لیے ہر قربانی دینے کو تیار ہیں، چاہے ہمیں کسی بھی محاذ پر پاک فوج کا ساتھ دینا پڑے ، پاک افواج ہماری پہچان ہیں اور ہم عوام ہی ان کی اصل طاقت ہیں،طلباء نے ڈی جی آئی ایس پی آر کے ساتھ نشست کو سراہا ۔
