محسن نقوی کی سی ایم ایچ بنوں آمد، سکیورٹی فورسز کے زخمی جوانوں کی عیادت کی
اسلام آباد(اے پی پی)وفاقی وزیر داخلہ محسن نقوی سی ایم ایچ بنوں پہنچے اور شمالی وزیرستان میں فتنہ الہندوستان کے دہشتگردوں کے بزدلانہ حملے میں سکیورٹی فورسز کے زخمی جوانوں کی عیادت کی اور ان کے بلند حوصلے کو سراہا۔
وزیر داخلہ نے کہا کہ آپ کا حوصلہ دیکھ کر دہشتگردی کے خلاف جنگ میں ہمارا عزم مزید مضبوط ہوا ہے۔ آپ پاکستان کے بہادر سپوت ہیں اور آپ کا غیر معمولی جذبہ دیکھ کر ہمارا سر فخر سے بلند ہو گیا ۔ وزیر داخلہ نے کہا کہ جس قوم کے پاس آپ جیسے بہادر بیٹے ہوں اسے کوئی دشمن شکست نہیں دے سکتا۔
روزنامہ دنیا ایپ انسٹال کریں
