عمران خان کو جیل سے تحریک نہیں چلانے دینگے : ثنا اللہ
اسلام آباد (آئی این پی) وزیر اعظم کے مشیر اور مسلم لیگ (ن) کے سینئر رہنما رانا ثنا اللہ نے کہا بانی تحریک انصاف عمران خان کو اڈیالہ جیل سے تحریک نہیں چلانے دیں گے۔
ٹی وی سے گفتگو کرتے ہوئے رانا ثنا اللہ نے کہا کہ اسٹیبلشمنٹ کا موقف ہے کہ سیاسی جماعتیں آپس میں بات کریں، وزیراعظم شہباز شریف نے پی ٹی آئی کو 3 بار بات چیت کی آفر کی جبکہ انہوں نے بجٹ کے دوران بھی مذاکرات کی پیشکش کی، جمہوریت مذاکرات سے ہی آگے چلتی ہے۔ 2018 کے الیکشن میں ہماری 45 سیٹیں چوری کی گئی تھیں، پی ٹی آئی کے ساتھ سنگجانی میں سنجیدہ مذاکرات ہوسکتے تھے ، تحریک انصاف والے اگر غلطیاں دہراتے رہے تو ان کے ساتھ ایک اور 8 فروری ہو جائے گا، بانی پی ٹی آئی دھمکیاں دیں گے تو مشکلات بڑھیں گی اور انہیں جیل سے تحریک نہیں چلانے دیں گے۔
روزنامہ دنیا ایپ انسٹال کریں
