مرتے مریضوں کو دوسرے شہر جانے کا کہنا ظلم، اب ایسے نہیں ہوگا: مریم نواز
لاہور(اے پی پی ،دنیا نیوز)وزیراعلیٰ پنجاب مریم نوازشریف کی زیر صدارت خصوصی اجلاس میں پرائمری اینڈ سکینڈری ہیلتھ میں بہتری کے لئے اہم فیصلے کئے گئے۔وزیراعلیٰ نے ہسپتالوں میں ریڈ اور بلیو کوڈ ایمرجنسی سسٹم نافذ کرنے کاحکم دیااور ہسپتالو ں میں 2روز کے ا ندر ریڈ او ربلیو کوڈ ایمرجنسی سسٹم نافذکرنے اور ڈاکٹر وں کو ریڈ اور بلیو کوڈ سسٹم کی ریہرسل او رٹریننگ کرانے کی ہدایت کی۔
اجلاس میں سی ایم ہیلتھ ویجیلنس سکواڈ کے قیام کا اصولی فیصلہ کیاگیا۔ سکواڈ ہسپتال کا وزٹ کر کے وزیراعلیٰ کے احکامات پر عملدرآمد کا جائزہ لے گا۔وزیراعلیٰ نے ہر ٹیچنگ اور ڈسٹرکٹ ہسپتال میں بچوں اور بالغ مریضوں کے لئے وینٹی لیٹر مہیا کرنے کی ہدایت بھی کی۔انہوں نے مرحلہ وار اضلاع میں تربیت یافتہ ڈاکٹرز کی تعیناتی اور کیتھ لیب بنانے کے منصوبے کاجائزہ لیا۔وزیراعلیٰ نے کہا کیتھ لیب پراجیکٹ کی تکمیل تک ڈسٹرکٹ ہسپتالوں میں کنسلٹنٹ اور ہارٹ سرجنز کی موجودگی یقینی بنائی جائے -ہارٹ کنسلٹنٹ اور سرجنز ہفتے میں 2مرتبہ ڈسٹرکٹ ہسپتالوں میں جاکر خدمات سرانجام دیں گے ۔ مریم نواز نے کہا نہیں چاہتی کوئی مریض دل کے علاج کی سہولت نہ ہونے کی وجہ سے جان سے جائے ،مرتے ہوئے مریضوں کو علاج کے لئے دوسرے شہر جانے کا کہنا ظلم ہے ، اب ایسے نہیں ہوگا۔ وزیراعلیٰ نے ڈسٹرکٹ ہسپتالوں میں درکار سپیشلسٹ کی فہرست طلب کرلی اور ہسپتالوں کے ایکوپمنٹ آڈٹ,ڈیتھ آڈٹ، لیب آڈٹ، نرسنگ آڈٹ اور ریکارڈ آڈٹ کی بھی ہدایت کی۔ انہوں نے صفائی اور پارکنگ کی آؤٹ سورس سروسز کے باقاعدہ آڈٹ کا حکم دیا۔ ہسپتالوں میں سٹوڈنٹس نرسز کے لئے انجکشن ایس او پیز وضع اور آویزاں ،ایمرجنسی او رپیڈ ز وارڈز میں ٹرینڈ ، تجربہ کار نرسز کو ڈیوٹی پر تعینات کرنے ، موبائل فون کی بجائے رابطے کے لئے پیجر سسٹم نافذ کرنے کا حکم بھی دیا۔
اجلاس میں دوران ڈیوٹی نرسز او رپیرا میڈیکل سٹاف کے موبائل فون کے استعمال پر پابندی کا فیصلہ کیا گیا۔وزیراعلیٰ نے ہر ضلع میں سی ای او اور ایم ایس کی تعیناتی کیلئے سیکرٹری پرائمری اینڈ سکینڈری ہیلتھ کو خود انٹرویو لینے ،ڈسٹرکٹ کے ہر بڑے ہسپتال میں سی ٹی سکین او رایم آر آئی مشین کی موجودگی اورفعالیت یقینی بنانے ، سرکاری ہسپتالو ں میں سی سی ٹی وی کیمرہ سسٹم کو فعال کرنے ا ور باقاعدہ مانیٹرنگ کا سسٹم وضع کرنے کی ہدایت کی۔اجلاس میں فیصلہ کیاگیا ہسپتالوں کے لئے شکایات سیل میں غیر جانبدار افسر تعینات کیا جائے گا۔ہسپتالو ں میں دستیاب میڈیسن لسٹ از سر نو مرتب کرنے پر اتفاق کیا گیا۔مریم نواز نے ہسپتال کے اندر ہی مریض کو ضروری ادویات کی فراہمی یقینی بنانے اور ہسپتالوں میں فری میڈیسن ہر صورت یقینی بنانے کی ہدایت کی۔میڈیسن سٹور روم میں میسر ادویات کی لسٹ کو ڈیلی اپ ڈیٹ کرنے اورنمایاں آویزاں کرنے کاحکم بھی دیا۔اجلاس میں انٹرنیشنل سٹڈی کے مطابق ہر ہسپتال میں لائف سیونگ پروٹوکول نافذ کرنے پر اتفاق کیا گیا۔ مریم نواز نے تمام فیصلو ں پر 3ماہ کے اندر عملدرآمد یقینی بنانے کی ہدایت کی۔
انہوں نے کہا 3 ماہ میں عوام کو واضح تبدیلی نظر آنی چاہیے ،سرکاری ہسپتالوں کا معیار بہتر ین نجی ہسپتالوں سے بھی بہتر بنانے کا عزم ہر صورت نبھائیں گے ۔ دریں اثنائوزیراعلیٰ پنجاب نے محرم الحرام کے دوران مثالی امن و امان اور بے مثال خدمت پر اظہار تشکر کرتے ہوئے سٹیک ہولڈرز کو خراجِ تحسین پیش کیا۔ انہوں نے کہا محرم الحرام میں عزاداروں کی خدمت،امن،اتحاد اور احترام پر صوبائی وزرا، علما کرام، پاک فوج اور رینجرز کاخصوصی شکریہ ادا کرتی ہوں۔ وزیراعلیٰ نے پولیس،ضلعی انتظامیہ اور تمام اداروں کو شاباش بھی دی ۔ انہوں نے کہا صوبائی وزرا، پولیس، علما اور انتظامیہ سمیت تمام ادارے لائق تحسین ہیں۔پنجاب میں محرم الحرام کے دوران جو خدمت اور امن نظر آیا ایسا پہلے کبھی نہیں دیکھا گیا۔ پہلی بار وزرا دس دن عزاداروں کی خدمت کیلئے فیلڈ میں موجود رہے ،تمام امور کی باریک بینی سے نگرانی کی گئی۔عزاداروں کے لئے لنگر، مشروبات اور منرل واٹر کا اہتمام کرنے پر انتظامیہ کو شاباش دیتی ہوں۔ پنجاب بھر سے اہل تشیع برادری، علما، زائرین اور عزاداروں نے مثالی انتظامات پر وزیراعلیٰ مریم نواز سے اظہار تشکر کیاہے۔
