بلوچستان ہائیکورٹ: مائنز اینڈ منرلز ایکٹ کے خلاف آئینی درخواستوں پر یکجا سماعت کا فیصلہ
کوئٹہ (سٹاف رپورٹر) بلوچستان ہائیکورٹ نے مائنز اینڈ منرلز ایکٹ کے خلاف دائر آئینی درخواستوں کو یکجا کر کے سننے کا فیصلہ کیا ہے ۔
چیف جسٹس بلوچستان ہائیکورٹ، جسٹس روزی خان بڑیچ اور جسٹس سردار احمد حلیمی پر مشتمل دو رکنی بینچ نے ان درخواستوں پر سماعت کی۔سینئر قانون دان محمد ریاض احمد ایڈووکیٹ کے مطابق یہ درخواستیں سابق سینیٹر نوابزادہ لشکری رئیسانی اور نیشنل پارٹی کے سربراہ، سابق وزیراعلیٰ بلوچستان ڈاکٹر عبدالمالک بلوچ کی جانب سے دائر کی گئی ہیں۔عدالت نے سماعت کے دوران تمام درخواستوں کو یکجا کرنے کی ہدایت دیتے ہوئے کارروائی 21 جولائی بروز پیر تک ملتوی کر دی۔
روزنامہ دنیا ایپ انسٹال کریں
