امریکی جنرل مائیکل کوریلا کو نشانِ امتیاز ملٹری عطا کردیا
اسلام آباد(مانیٹرنگ ڈیسک)پاکستان نے امریکی جنرل مائیکل ای کوریلا کو نشانِ امتیاز (ملٹری) عطا کردیا،پاک فوج کے شعبہ تعلقات عامہ (آئی ایس پی آر)کے مطابق صدر مملکت آصف علی زرداری نے جنرل مائیکل کوریلا کو ایوانِ صدر میں اعزاز سے نوازا۔
امریکی سنٹرل کمانڈ کے سربراہ جنرل مائیکل کوریلا کو علاقائی سلامتی اور دفاعی تعلقات میں نمایاں خدمات کے بدلے نشانِ امتیاز (ملٹری)کا اعزاز دیا گیا ہے ۔ جنرل کوریلا کی ایوانِ صدر آمد پر تینوں افواج کی جانب سے گارڈ آف آنر پیش کیا گیا، اس دوران جنرل کوریلا نے پاکستانی سول و عسکری قیادت سے اہم ملاقاتیں کیں، جس دوران دہشتگردی کے خلاف تعاون اور دفاعی اشتراک پر تبادلہ خیال کیا گیا۔یہ پیشرفت پاک-امریکا دفاعی شراکت میں گہرے تعلقات کی نئی مثال ہے ، جنرل کوریلا کا وژن علاقائی امن اور انسداد دہشتگردی میں کلیدی ثابت ہوا ہے ۔
روزنامہ دنیا ایپ انسٹال کریں
