بھون گروپ کے ذبیح اللہ بلامقابلہ ایگزیکٹوچیئرمین پنجاب بارکونسل منتخب
لاہور (کورٹ رپورٹر )احسن بھون گروپ نے پنجاب بار کونسل کے اہم عہدوں پر میدان مار لیا ، اشفاق کہوٹ بلامقابلہ وائس چیئرمین پنجاب بار کونسل، ذبیح اللہ ناگرہ چیئرمین ایگزیکٹو کمیٹی اور چودھری مشتاق چیئرمین ڈسپلنری کمیٹی منتخب ہو گئے۔
چیئرمین الیکشن کمیشن نے نتائج کااعلان کردیا ،پریذائیڈنگ آفیسرز کے فرائض ایڈووکیٹ وسیم ملتان نے ادا کئے ۔تفصیلات کے مطابق پنجاب بار کونسل کے دو عہدوں ایگزیکٹوچیئرمین اور وائس چیئرمین کا الیکشن منعقد ہوا جس میں احسن بھون گروپ کے امیدوار ذبیح اللہ ناگرہ پنجاب بار کونسل کے چیئرمین ایگزیکٹو اورملک اشفاق کہوٹ بلا مقابلہ وائس چیئرمین منتخب ہوئے جبکہ چودھری مشتاق ایڈووکیٹ کو چیئرمین ڈسپلنری کمیٹی پنجاب بار کونسل مقرر کردیا گیا ، اس موقع پر بلا مقابلہ منتخب امیدواروں کو پھولوں کے ہار پہنائے گئے ۔ اس موقع پر ممبر پنجاب بار عرفان صادق تارڑ ،منیر حسین بھٹی ، چودھری بابر وحیدودیگر نے شرکت کی، پنجاب بار کونسل کے ووٹر ممبران کی تعداد 75 ہے ۔
