معرکہ حق نے دو قومی نظرئیے پر مہر ثبت کی:عطاتارڑ
اسلام آباد(نامہ نگار)وفاقی وزیر اطلاعات و نشریات عطاتارڑ نے کہاہے کہ ہم نے آزادی کا تحفظ کیا اور دنیا کو پیغام دیا کہ پاکستانی قوم اپنا دفاع کرنا جانتی ہے ۔
اس سال یوم آزادی کا جشن منفرد ہے ،مئی میں معرکہ حق نے دو قومی نظرئیے پر مہر ثبت کی۔ پی ٹی وی ہیڈ کوارٹرز اسلام آباد میں پرچم کشائی کی تقریب سے خطاب کرتے ہوئے وزیر اطلاعات نے کہاکہ دشمن نے فالس فلیگ کے ذریعے پاکستان کا تشخص مجروح کرنے کی کوشش کی،پاکستانی قوم اور مسلح افواج نے دشمن کے عزائم کو خاک میں ملا دیا۔ جشن آزادی کے ساتھ معرکہ حق کی تاریخی فتح کا جشن منایا جا رہا ہے ،معرکہ حق 2025 تاریخ میں سنہری حروف سے لکھا جائے گا،جنگ میں بہترین حکمت عملی اپنا کر افواج پاکستان نے اپنی صلاحیتوں کا لوہا منوایا۔ انفارمیشن وار فیئر بھی لڑی گئی، وزارت اطلاعات نے بہترین کام کیا۔ڈیجیٹل وار فیئر میں قوم کا حوصلہ بلند رکھنا اور عالمی سطح پر پاکستان کا بیانیہ اجاگر کرنا تھا۔
