چیئرمین این آئی آر سی جسٹس (ر)شوکت عزیز صدیقی مستعفی
ذاتی وجوہات کی بنا پر خدمات جاری نہیں رکھ سکتا، صدر کو بھیجے گئے استعفے کا متن سیکرٹری وزارت اوورسیز پاکستانیز کے ذریعے معاہدہ ختم کرنے کیلئے مہینے کا نوٹس
اسلام آباد(اپنے نامہ نگار سے )چیئرمین نیشنل انڈسٹریل ریلیشنز کمیشن(این آئی آر سی )جسٹس ریٹائرڈ شوکت عزیز صدیقی اپنے عہدے سے مستعفی ہوگئے اور اپنا استعفیٰ صدرمملکت کو بھجوادیا، جس میں کہاگیاہے کہ ذاتی وجوہات کی بنا پر مزیدخدمات جاری نہیں رکھ سکتا، شوکت عزیز صدیقی نے صدر مملکت کو سیکرٹری وزارت اوورسیز پاکستانیز کے ذریعے معاہدہ ختم کرنے کا نوٹس بھی بھجوا دیا جس میں کہاگیا کہ دستخط کنندہ کو 2 دسمبر 2024 کو چیئرمین این آئی آر سی تعینات کرنے کا نوٹیفکیشن جاری ہوا،چار دسمبر 2024 کو چیئرمین این آئی آر سی کا عہدہ سنبھالا،ذاتی وجوہات کی بنا پر اب دستخط کنندہ کے لیے اپنی ذمہ داریاں ادا کرنا اور فرائض انجام دینا ممکن نہیں رہا،معاہدہ ختم کرنے کے لیے معاہدے کی شق بارہ کے تحت ایک ماہ کا نوٹس دیا جا رہا ہے۔
