شوہر کی قاتلہ بیوی کو عمر قید آشنا کو سزائے موت کا حکم
راولپنڈی (خبر نگار)ایڈیشنل ڈسٹرکٹ اینڈ سیشن کورٹ نے شوہر کے قتل کیس میں قاتلہ بیوی کو عمر قید اور آشنا کو سزائے موت کا حکم سنا دیا۔
جج نادیہ اکرام ملک نے شوہر کی قاتلہ بیوی کو عمر قید اور 4 لاکھ روپے جرمانہ اور اس کے آشنا جنید بھٹی کو سزائے موت اور 4 لاکھ روپے ہرجانہ کی سزا سنائی۔ مجرمہ ثانیہ کو قتل کے شواہد مٹانے کے جرم میں 7 سال قید اور 10 ہزار روپے جرمانہ، سازش و قتل کے جرم میں 7 سال قید اور 10 ہزار روپے جرمانہ عائد کیا گیا۔ آشنا مجرم جنید کو گھر میں داخل ہونے کے جرم میں 7 سال قید اور 10 ہزار روپے جرمانے کی سزا سنائی گئی۔ عدالت نے حکم دیا کہ مجرم کو اس وقت تک پھانسی پر لٹکایا جائے جب تک موت نہ ہو۔ دونوں مجرموں کو اڈیالہ جیل منتقل کر دیا گیا۔
روزنامہ دنیا ایپ انسٹال کریں
