اسلام آباد ہائیکورٹ:موسم سرما کی چھٹیوں کیلئے 9بینچز قائم
اسلام آباد (اپنے نامہ نگار سے )اسلام آباد ہائیکورٹ نے موسم سرما کی چھٹیوں میں ججز ڈیوٹی روسٹر جاری کردیا، چیف جسٹس کی منظوری سے رجسٹرار آفس نے 31 دسمبر تک روسٹر جاری کیا۔
31 دسمبر تک تین ڈویژن اور چھ سنگل بینچز دستیاب ہوں گے ۔ جسٹس خادم حسین سومرو اور جسٹس محمد آصف دستیاب نہیں ہوں گے ۔ پہلا ڈویژن بینچ چیف جسٹس اور جسٹس اعظم خان، دوسرا ڈویژن بینچ جسٹس بابر ستار اور جسٹس ثمن رفعت امتیاز پر مشتمل ہوگا، دوسرا ڈویژن بینچ 26 دسمبر تک صرف ٹیکس کیسز سنے گا، تیسرے ڈویژن بینچ میں جسٹس ارباب محمد طاہر اور جسٹس انعام امین منہاس شامل ہیں اور تیسرا ڈویژن بینچ آج سے 26 دسمبر تک دستیاب ہوگا۔ روسٹر کے مطابق جسٹس بابر ستار کا سنگل بینچ 29سے 31 دسمبر تک اور جسٹس انعام امین منہاس کا سنگل بینچ 26 دسمبر تک دستیاب ہوگا۔
روزنامہ دنیا ایپ انسٹال کریں
