چیئرمین بلوچستان ڈیویلپمنٹ اتھارٹی جاوید خان برطرف
بلوچستان ہائیکورٹ کا 24 گھنٹے کے اندر دفتر چھوڑنے ، مراعات واپس کرنے کا حکم
کوئٹہ (سٹاف رپورٹر )بلوچستان ہائی کورٹ نے چیئرمین بلوچستان ڈیویلپمنٹ اتھارٹی جاوید احمدخان کو برطرف کر دیا ۔ چیف جسٹس بلوچستان ہائی کورٹ کامران ملاخیل اور جسٹس نجم الدین مینگل پر مشتمل بینچ نے سماعت کی ، عدالت نے چیئرمین بی ڈی اے کو 24 گھنٹے کے اندر دفتر چھوڑنے اور مراعات واپس کرنے کا حکم دے دیا ، عدالت نے حکم دیتے ہوئے کہا کہ بلوچستان حکومت قانون کے مطابق نئے چیئرمین کی تعیناتی عمل میں لائے ، چیئرمین بلوچستان ڈیویلپمنٹ اتھارٹی کی تعیناتی غیر قانونی عمل تھا عدالت نے کہا کہ ایسی تعیناتیاں قابلِ تعریف نہیں، مذکورہ چیئرمین کے خلاف نیب انکوائریاں موجود ہیں۔
روزنامہ دنیا ایپ انسٹال کریں
