حارث رؤف کو آئی سی سی پلیئر آف دی منتھ قراردیاگیا
لاہور(سپورٹس ڈیسک )پاکستان کے فاسٹ بولر حارث رؤف کو آئی سی سی مین پلیئر آف دی منتھ قرار دے دیا گیا۔ حارث رؤف کو نومبر کی کارکردگی کی بنیاد پر پلیئر آف دی منتھ قرار دیا گیا ہے ۔
پاکستان کے فاسٹ بولر نے آسٹریلیا کے خلاف 3 ون ڈے میچز میں 10 وکٹیں حاصل کی تھیں، انہوں نے نومبر میں مجموعی طور پر 18 وکٹیں حاصل کی تھیں۔آسٹریلیا کے خلاف ون ڈے سیریز پاکستان نے 22 برسوں کے بعد جیتی تھی۔آئی سی سی پلیئر آف دی منتھ کے لیے بھارت کے فاسٹ بولر جسپریت بمرا اور جنوبی افریقہ کے مارکو ینیسن کی بھی نامزدگی ہوئی تھی۔
روزنامہ دنیا ایپ انسٹال کریں
