جھل مگسی آف روڈ ڈیزرٹ چیلنج ریلی، ابتدائی تینوں پوزیشنز مگسی فیملی کے نام
لاہور(سپورٹس ڈیسک)جھل مگسی آف روڈ ڈیزرٹ چیلنج ریلی میں مگسی فیملی نے میدان مار لیا، ابتدائی تینوں پوزیشنز مگسی فیملی کے نام رہی۔
پری پیئرڈ اے کیٹیگری میں جعفر مگسی نے پہلی پوزیشن حاصل کی، انہوں نے 170 کلومیٹر کا طویل فاصلہ ایک گھنٹے 54 منٹ اور 20 اعشاریہ 86 سیکنڈز میں طے کیا۔ انیس مگسی نے دوسری اور نادر مگسی نے تیسری پوزیشن حاصل کی۔صاحبزادہ سلطان محمد علی اور آصف فضل کی گاڑیاں دوران ریس خراب ہوگئیں۔سٹاک اے کیٹیگری میں اویس شیوانی نے پہلی، شعیب مگسی نے دوسری اور آصف امام نے تیسری پوزیشن حاصل کی جبکہ سٹاک بی کیٹیگری میں بسم اللّٰہ مگسی نے پہلی پوزیشن اپنے نام کی۔
روزنامہ دنیا ایپ انسٹال کریں
