چیمپئنزٹرافی :چیئرمین پی سی بی کاسکواڈمیں تبدیلی کاعندیہ
لاہور(سپورٹس ڈیسک ) چیئرمین پی سی بی محسن نقوی نے انکشاف کیا ہے کہ سلیکشن کمیٹی چیمپئنز ٹرافی سکواڈ کو ری ویو کررہی ہے ، دعا ہے کہ 3 ملکی سیریز میں پاکستان کامیاب ہو،محمد رضوان کی قیادت میں ہم چیمپئنز ٹرافی جیتیں گے ۔
غیر رسمی گفتگو کے دوران انہوں نے کہا کہ خوشدل شاہ اور فہیم اشرف کو نیک نیتی سے سکواڈ کا حصہ بنایا گیا۔ دبئی کے لیے ویزے کا مسئلہ حل ہوگیا ہے ، جس کے پاس میچ کا کارڈ یا ٹکٹ ہوگا اسے ویزا مل جائے گا۔ 16 فروری کو چیمپئنز ٹرافی کی تقریب آئی سی سی کی آفیشل تقریب ہے ، جس میں مختلف ممالک کے لوگوں کو مدعو کیا گیا ہے ۔ آئی سی سی کے ساتھ چیمپئنز ٹرافی کے میچ پاسز کی ڈیل طے پائی ہے ، آئی سی سی سے طے شدہ رقم لیں گے ۔ قذافی سٹیڈیم کے نئے فائیو سٹار ہوٹل کی تعمیر اگلے ایک سال میں مکمل کرینگے ، نیشنل کرکٹ اکیڈمی کو نئے طریقے سے ڈیزائن اور این سی اے کے ٹریننگ گراؤنڈ کی توسیع کرینگے ، وی آئی پی باکسز کو 6 سال کیلئے کرائے پر دینگے ، ہر باکس کی قیمت 10 کروڑ روپے رکھی جائے گی، 24 باکسز میں سے کچھ سیریز ٹو سیریز رینٹ کریں گے اور باقی کچھ مدت کیلئے کرائے پر دینگے ۔
