پریذیڈنٹ ٹرافی کاچھٹاراؤنڈ شروع ،جنید،رمیض عزیز کی سنچریاں
راولپنڈی (سپورٹس رپورٹر )پریذیڈنٹ ٹرافی گریڈ ون کاچھٹاراؤنڈشرو ع ہوگیا، پہلے دن کھیل میں غنی گلاس کے جنید علی اور اسٹیٹ بینک کے رمیض عزیز نے سنچریاں کیں۔۔۔
راشد لطیف اکیڈمی گراؤنڈ میں پی ٹی وی نے واپڈا کے خلاف پہلے بیٹنگ کرتے ہوئے 6 وکٹوں پر 375 رنز بنائے تھے ۔وقارحسین 78 ،محمد شہزاد 74 اور محمد طحہٰ 59 رنز کے ساتھ نمایاں رہے ۔خالد عثمان نے 4 وکٹیں حاصل کیں۔یوبی ایل سپورٹس کمپلیکس میں ہائر ایجوکیشن کی ٹیم ایس این جی پی ایل کے خلاف پہلی اننگزمیں 179 رنز بناکر آؤٹ ہوگئی۔محسن خان 37 رنز کے ساتھ ٹاپ سکورر رہے ۔ کاشف علی نے 56 رنز دے کر 5 وکٹیں حاصل کیں۔ایس این جی پی ایل نے کھیل ختم ہونے پر 100 رنز بنائے تھے اور اس کی 7 وکٹیں گرچکی تھیں۔ کے سی سی اے سٹیڈیم میں غنی گلاس نے کے آر ایل کے خلاف پہلے بیٹنگ کرتے ہوئے 9 وکٹوں پر 390رنز بنائے تھے ۔ جنید علی نے 116 رنز سکور کئے ۔شان مسعود نے 67 رنز سکور کئے ۔ جواد علی نے 115 رنز دیکر 5 وکٹیں حاصل کیں۔سٹیٹ بینک سٹیڈیم میں سٹیٹ بینک نے ایشال ایسوسی ایٹس کے خلاف پہلے بیٹنگ کرتے ہوئے 5وکٹوں پر 314 رنز بنائے تھے ۔ رمیض عزیز نے 21 چوکوں کی مدد سے 135 رنزپرناؤٹ آؤٹ ہیں،رمیض عزیز نے فواد عالم کے ساتھ پانچویں وکٹ کی شراکت میں 130 رنز کا اضافہ کیا۔ فواد عالم نے 59 اور عمران بٹ نے 55رنز سکور کئے ۔
