ضابطہ اخلاق کی خلاف ورزی ،شاہین ، سعود اور کامران پر جرمانہ
لاہور(سپورٹس ڈیسک )آئی سی سی نے کوڈ آف کنڈکٹ کی خلاف ورزی پر فاسٹ بولر شاہین آفریدی، سعود شکیل اور کامران غلام پر جرمانہ عائد کر دیا۔۔۔
شاہین آفریدی پر میچ فیس کا 25 فیصد جبکہ سعود شکیل اور متبادل کھلاڑی کامران غلام پر میچ فیس کا 10 فیصد جرمانہ عائد کیا گیا ہے ۔ تینوں کرکٹرز کو ایک ایک ڈی میرٹ پوائنٹ بھی دیا گیا ،انٹرنیشنل کرکٹ کونسل نے کہا کہ شاہین آفریدی جان بوجھ کر جنوبی افریقہ کے بیٹر میتھیو بریٹزکی کے راستے میں آئے ، انہوں نے غیر مناسب انداز سے باڈی کنٹیکٹ کیا اور بحث بھی کی جبکہ سعود شکیل اور کامران غلام نے آؤٹ کر کے ٹیمبا باووما کے قریب جا کر سیلیبریٹ کیا۔واضح رہے کہ کراچی میں پاک جنوبی افریقہ میچ کے دوران دونوں ٹیموں کے کھلاڑیوں میں گرما گرمی ہوئی تھی۔
روزنامہ دنیا ایپ انسٹال کریں
