پہلے ٹی 20 میں شاہین آج کیویز پر جھپٹنے کو تیار
کرائسٹ چرچ(سپورٹس ڈیسک) پانچ میچزپرمشتمل سیریز کے پہلے ٹی 20میچ میں شاہین آج کیویزپرجھپٹنے کوتیارہیں ، میچ پاکستانی وقت کے مطابق صبح 6 بجے شروع ہوگا۔
دونوں ٹیموں نے سیریز کے آغاز سے قبل ہیگلے اوول میں بھرپور پریکٹس سیشن کیا جبکہ قومی ٹیم کے کپتان سلمان علی آغا نے پریس کانفرنس کے دوران کہاکہ ٹی ٹونٹی کی نئی لیکن اچھی ٹیم ہے ، ہیگلے اوول گراؤنڈ کی پچ بظاہر گرین لگ رہی ہے لیکن یہاں سپنرز کو بھی مدد ملے گی، شاہین اور حارث رؤف کی ٹی ٹونٹی میں کارکردگی بہتر ہے جبکہ فخر زمان اور صائم ایوب کی کمی محسوس ہو گی کیونکہ دونوں ٹیم کے اہم کھلاڑی ہیں، دونوں کی تیزی سے صحتیاب بھی ہو رہے ہیں اور امید ہے آنے والی سیریز میں دونوں ایکشن میں ہونگے ، ہم نیوزی لینڈ کے خلاف اچھی کرکٹ کھیلیں گے ۔ پاکستانی فینز ہم سے خوش نہیں کیونکہ ہم نے اچھی کرکٹ نہیں کھیلی، ہم نے نا ہی فینز کی توقعات کے مطابق کرکٹ کھیلی اور نا ہی اپنے معیار کی کرکٹ کھیلی۔ ہماری نئی ٹیم ہے اس کا مطلب یہ نہیں اچھی ٹیم نہیں ہے ، سینئر بھی ہیں ٹیم میں اچھا کمبینیشن ہے ، ہم یہاں جیتنے آئے ہیں، ہم اچھی کرکٹ کھیلیں گے ، بابر اعظم اور محمد رضوان کی پاکستان کرکٹ کیلئے بہت خدمات ہیں، اب نیا کمبینیشن بنانے کی کوشش کی ہے ۔
