میراڈوناکے بسترمرگ کے گرد میڈیکل آلات نہ ہونیکا انکشاف
لاہور(سپورٹس ڈیسک )ارجنٹینا کو ورلڈکپ جتوانے والے آنجہانی لیجنڈری فٹبالر میراڈونا کے بسترمرگ کے گرد میڈیکل آلات موجود نہ ہونے کا انکشاف ہوا ہے ۔
میڈیا رپورٹس کے مطابق ارجنٹائن کے سٹار فٹبالر ڈیگو میراڈونا کی دیکھ بھال پر معمور 7 میڈیکل پروفیشنلز کے خلاف غفلت برتنے کے الزام پر جاری ٹرائل میں پولیس آفیسر لوکاس فاریس نے اپنا بیان ریکارڈ کروادیااورکہاکہ ہ ڈیگو میراڈونا کی موت کی اطلاع ملنے پر ان کے گھر پہنچے والے پولیس اہلکاروں میں سے وہ ایک تھے ، کمرے میں میں نے کسی قسم کے کوئی میڈیکل آلات نہیں دیکھے ، مجھے وہاں پر سیرمز نظر نہیں آئے جو ہوم ہاسپٹالائزیشن کا لازمی حصہ ہوتے ہیں۔ جہاں میراڈوناکی لاش موجود تھی وہاں فٹبالر کا منہ اوپر کی جانب جبکہ پیٹ سوجا ہوا تھا۔واضح رہے کہ اس ٹرائل میں 120 کے قریب گواہوں کے بیان ریکارڈ کیے جانے کی توقع ہے ، یہ سلسلہ جولائی تک جاری رہے گا۔میراڈونا نے ارجنٹینا کو 1986 فٹبال ورلڈکپ کا فاتح بنوایا تھا، عظیم فٹبالر 25 نومبر 2020 کو 60 برس کی عمر میں انتقال کرگئے تھے ۔
