ویمنز ورلڈ کپ کوالیفائر کی تیاری ،قومی کرکٹرزکا کیمپ آج شروع
لاہور (سپورٹس ڈیسک ) آئی سی سی ویمنز ورلڈ کپ کوالیفائر کی تیاری کیلئے پاکستان ویمنز کرکٹرز کاتربیتی کیمپ آج سے لاہور میں شروع ہوگا۔ہیڈ کوچ محمد وسیم کیمپ کی نگرانی کریں گے ۔
خواتین کی قومی سلیکشن کمیٹی نے کیمپ کے لیے 19کھلاڑیوں کے ناموں کا اعلان کردیا۔کیمپ کا پہلا مرحلہ فیصل آباد میں ہوا تھا جس میں33 کھلاڑیوں نے حصہ لیا تھا۔طوبی حسن انگلی میں فریکچر کے سبب کیمپ سے باہراور ندا ڈار کیمپ میں شامل ہیں ۔ کیمپ میں شامل کھلاڑیوں میں عالیہ ریاض، ڈیانا بیگ، فاطمہ ثنا، غلام فاطمہ، گل فیروزہ، منیبہ علی (وکٹ کیپر)، نجیہہ علوی (وکٹ کیپر)، نشرہ سندھو، نتالیہ پرویز، ندا ڈار، عمیمہ سہیل، رامین شمیم، سعدیہ اقبال، شوال ذوالفقار، سدرہ امین، سدرہ نواز (وکٹ کیپر) ، سیدہ عروب شاہ، تسمیہ رباب اور ام ہانی شامل ہیں ۔
روزنامہ دنیا ایپ انسٹال کریں
