فون توڑنے کے بعد رضوان نے نسیم کو اپنا موبائل دیدیا
لاہور(سپورٹس ڈیسک)قومی ٹیم کے کپتان محمد رضوان نے فاسٹ بولر نسیم شاہ کا فون توڑنے کے بعد اپنا موبائل دیکر انہیں خوش کردیا۔گزشتہ روز سوشل میڈیا پلیٹ فارمز پر ایک ویڈیو وائرل ہوئی تھی ۔۔
جس میں پریکٹس سیشن کے دوران محمد رضوان نے ایک شارٹ کھیلا جو براہ راست اس جگہ جا لگا جہاں کھلاڑی اور ان کے معاونین اپنی کِٹ اور دیگر سامان کیساتھ موجود تھے ۔بدقسمتی سے ، محمد رضوان کا شارٹ نسیم شاہ کے بیگ پر جاکر لگا جس کے باعث انکا موبائل فون ٹوٹ گیا،نیوزی لینڈ روانگی کے موقع پر نسیم شاہ سے ایک شخص نے پوچھا کیا آپکا فون ٹوٹ گیا تھا جس پر فاسٹ بولر نے رضوان کی طرف اشارہ کرتے ہوئے کہا کہ انہوں نے توڑ دیا، جس کے بعد کپتان نے فوراً اپنا موبائل فون نسیم کو دیدیا ۔رضوان نے بعد میں کہا کہ "وہ بورڈنگ کا عمل مکمل ہونے کے بعد اپنا فون نسیم کو دیں گے کیونکہ ان کا فلائٹ ٹکٹ اسی فون میں تھا۔
