بطور ٹیم اچھا پرفارم نہیں کیا، بہتری میں تھوڑا وقت لگے گا:سلمان آغا
ویلنگٹن(سپورٹس ڈیسک )قومی ٹیم کے کپتان سلمان علی آغا نے کہا کہ کھیلنے کے ساتھ تھوڑا دماغ استعمال کرنا شروع کر ینگے ۔۔
تو پرفارمنس میں بہتری آئے گی۔بطور ٹیم اچھا پرفارم نہیں کیا۔ پاکستان کی کرکٹ تبدیل ہورہی ہے ، بہتری میں تھوڑا وقت لگے گا۔ امید ہے ون ڈے سیریز میں نتائج بہترہونگے ، ایشیا کپ اور ٹی ٹوئنٹی ورلڈ کپ ہمارا ہدف ہے ، اس کے لیے تیاری کر رہے ہیں۔ میچ کے بعد پریس کانفرنس کرتے ہوئے انہوں نے کہاکہ ہماری ٹیم میں زیادہ تر نوجوان کھلاڑی شامل تھے ،جو غلطیاں ہوئیں کوشش کریں گے ان کو بہتر کریں۔ نیوزی لینڈ کی کنڈیشنز بہت مشکل ہیں، پھر بھی پہلی مرتبہ دورہ کرنے والے کھلاڑی اچھا کھیلے ، ٹیم کو جیتنا چاہیے تھا۔
روزنامہ دنیا ایپ انسٹال کریں
