عید :ثانیہ مرزا پاکستانی ٹچ نہ بھولیں، پاکستانی ڈیزائنر کا انتخاب کیا
نئی دہلی (سپورٹس ڈیسک )بھارت کی سابقہ ٹینس سٹار ثانیہ مرزا کی طلاق کے بعد بھی پاکستانی ملبوسات سے محبت کم نہ ہوئی۔۔
اس بار بھی عید پر انہوں نے پاکستانی ڈیزائنر کا انتخاب کیا۔ انسٹاگرام پر بھارتی سابقہ کھلاڑی نے عید کے دوسرے روز عید کی خوبصورت تصاویر پوسٹ کی ہیں۔سابقہ ٹینس سٹار نے فالوورز کو عید کی مبارک باد پیش کرتے ہوئے اہل خانہ کے ہمراہ سج دھج کر تصاویر شیئر کیں۔تصاویر میں سابقہ کھلاڑی کو کریمی اور بلش پنک کے امتزاج سے تیار کردہ پرنٹڈ کھڈی سلک کرتے اور ٹیولپ شلوار کے ساتھ آرگنزا کا دوپٹہ زیب تن کئے ہوئے دیکھا جاسکتا ہے ۔یہ جوڑا پاکستانی ڈیزائنر ثانیہ مسکتیہ کا ہے ۔ ثانیہ مسکتیہ کی ویب سائٹ کے مطابق اس مکمل جوڑے کی قیمت 1 لاکھ 14 ہزار پاکستانی روپے ہے ۔صرف ثانیہ مرزا نے ہی نہیں بلکہ ان کے بیٹے اذہان مرزا ملک اور ان کی والدہ نسیمہ مرزا نے بھی عید کے پْر مسرت موقع پر ثانیہ مسکتیہ کا ہی انتخاب کیا ہے ۔ گزشتہ برس بھارتی کھلاڑی نے عید کے موقع پر پاکستانی ڈیزائنر نومی انصاری کا انتخاب کیا تھا۔
