پی ایس ایل 10کے ٹکٹوں کی فروخت آج سے شروع
راولپنڈی (سپورٹس ڈیسک ) پاکستان سپر لیگ (پی ایس ایل) کے دسویں ایڈیشن کی ٹکٹوں کی فروخت آج سے شروع ہو گی۔ پی سی بی کے مطابق ٹکٹ سہ پہر 3 بجے آن لائن دستیاب ہوں گے ۔۔
جبکہ فزیکل ٹکٹوں کی فروخت 7 اپریل سے نجی کوریئر سینٹرز پر شروع ہو گی۔ آن لائن بک کی گئی ٹکٹیں نجی کوریئر کے مقرر کردہ پک اپ مراکز سے بھی حاصل کی جا سکتی ہیں۔ پی ایس ایل کے چاروں وینیوز راولپنڈی، کراچی، لاہور اور ملتان کے عام ٹکٹ 650 روپے میں دستیاب ہوں گے ۔ اسلام آباد یونائیٹڈ اور لاہور قلندرز کے درمیان راولپنڈی کرکٹ سٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے ۔ شائقین کی مصروفیت اور دلچسپی میں اضافہ کرنے کے پی سی بی کے ویژن کے ایک حصے کے طور پر ہر میچ کے دوران ایک ٹکٹ ریفل کا انعقاد بھی کیا جائے گا جس میں شائقین دلچسپ انعامات حاصل کر سکیں گے ۔
روزنامہ دنیا ایپ انسٹال کریں
