ویمنز ورلڈ کپ:وارم اپ میچ میں پاکستان کی تھائی لینڈ کو شکست
لاہور (سپورٹس ڈیسک )آئی سی سی ویمنز کرکٹ ورلڈ کپ میں پاکستان ویمنز ٹیم نے پہلے وارم اپ میچ میں تھائی لینڈ کو 7وکٹوں سے شکست دے دی۔لاہور میں کھیلے گئے میچ میں پاکستان نے 79 رنز کا ہدف 18.5اوورز میں حاصل کر لیا۔
پاکستانی اوپننگ جوڑی گل فیروزہ نے 28 رنز جبکہ شوال ذوالفقار نے 16 رنز بنائے ۔عالیہ ریاض اور سدرہ امین 14، 14 رنز بنا کر ناٹ آؤٹ رہیں۔منیبہ علی ایک رنز بنا سکیں۔اس سے قبل پہلے بیٹنگ کرتے ہوئے تھائی لینڈ کی پوری ٹیم 28.2 اوورز میں 78رنز بنا کر آؤٹ ہوئی ،پاکستان کی نشرہ سندھو نے 11 رنز دے کر 4 کھلاڑیوں کو آؤٹ کیا۔ڈیانا بیگ نے 11 رنز دے کر 2 اور رامین شمیم نے 5 رنز دے کر 2 کھلاڑیوں کو آؤٹ کیا۔ سعدیہ اقبال اور فاطمہ ثنا نے ایک ایک کھلاڑی کو پویلین واپس بھجوایا۔تھائی لینڈ کی بیٹر پھنیٹہ مایا 26 رنز بنا کر ٹاپ سکورر رہیں۔
روزنامہ دنیا ایپ انسٹال کریں
